HStAOrient5a: 100r

dėyüb mezād ėderlerdi. Görenler Mā arḫaṣa n‑nāqata law lā // l‑malʿūnata fī ʿunuqihā dėrlerdi. Ne [ʿaceb] ucuz deve idi // eger bu melʿūne boynında olmasa. Bu mes̱el ol maḥallde żarb // olur ki bir niʿmet‑i erzānuñ yanında zaḥmet‑i girānı ve bir gül‑i // raʿnānuñ ḫār‑i bed‑liqāsı ola. ʿİlm‑i luġat: Beşīr eyitdi: // Ey Şādān hīç luġat‑i ʿArabı tetebbuʿ ėtdüñ mi? Şādān eyitdi: // Niçün ėtmeyem ki? Ḫudā‑yi taʿālā buyurur: Bi‑lisānin ʿarabīyin mubīnin. Ve peyġamber // ʿa[leyhi s‑selā]m ḫaber vėrür: Taʿallamū l‑ʿarabīyata fa‑innahā l‑lisānu llaḏī yukallimu // llāhu bihī ʿibādahū yawma l‑qiyāma. Ve niçün şerīf olmaya ki bihterīn‑i // kitāb ve mehterīn‑i rusül bu lisān üzredür. [Ve] dėmişler ki // lisān‑i ʿarabīye sāyir lisān içinde şol naqd‑i şehādur ki pādişāh // sāyir nuqūddan ol naqdi qabūl ėdüb ve nām‑i şerīfin ol // naqduñ sikkesine naqş ėtdi. Suʾāl: Beşīr eyitdi: Perī ve ādemīye // niçün ins ü cinn dėrler? Cevāb: Şādān eyitdi: İns // maḥsūs olduġı–çün dėdiler niteki Ānasta n‑nāra abṣartahā // maʿnāsınadur. Ammā cinn mubṣırātdan degüldür anuñ içün aña cinn // dėdiler. Nite‑kim (Wa‑)ǧanna ʿalayhi l‑laylu. El‑āyet. Gėce aña tārīk // oldı dėmekdür ve mestūru l‑ʿaql olana daḫı mecnūn dėmek // bu qabīldendür. Suʾāl: Beşīr eyitdi: Lafẓ‑i müslim ve Yahūdī